Светски ден на здравата храна – „На пазар“ 
По повод Светскиот ден на здравата храна, учениците од I одделение при ЦООУ „Браќа Миладиновци“ – Миладиновци реализираа игровна активност под наслов „На пазар“.
Преку играта во улоги на продавачи и купувачи, првачињата имаа можност да препознаваат, именуваат, продаваат и купуваат различни видови овошје и зеленчук. На забавен и интерактивен начин, учениците ги проширија своите знаења за здравата исхрана и ја истакнаа важноста од секојдневното консумирање свежо овошје и зеленчук.
Преку учење низ игра, ги поттикнуваме најмладите да развиваат здрави навики, да соработуваат и да учат за значењето на правилната исхрана уште од најрана возраст.
Здрави навики за здраво и среќно детство!
Одговорен наставник: Габи Николовска
Образовен асистент: Леона Пауновиќ