„Генералка викенд“ и „Еко час“

09.5.2026

Сите активности, Активности

Нашите ученици дел од националната акција „Генералка викенд“ и „Еко час“

Денес, нашето училиште со голем ентузијазам се приклучи на националната иницијатива „Еко час“, организирана од Министерството за образование и наука и Бирото за развој на образованието, како дел од големиот проект „Генералка викенд“.

Преку практични активности во училниците и во училишниот двор, нашите ученици од 6-9 одд., покажаа дека грижата за животната средина не е само теорија, туку начин на живеење. Целта на овој „Еко час“ беше да се поврзе наставниот процес со реална акција на терен, поттикнувајќи ги младите да станат активни чувари на природата.

Што реализиравме?

Учениците, под менторство на своите наставници, ги реализираа следните активности од прирачниците за еколошка едукација: Фотосинтеза и климатски промени, Обновливи извори на енергија/ Активност: мини ветерници, Рециклирање-сортирање на отпад, Рециклирање-сортирање отпад во училишен двор, Прекумерен риболов и одржливост на водените екосистеми.Преку нив учениците:

Учеа за значењето на правилното управување со отпадот;

Се вклучија во уредување на училишната средина;

Развиваа вештини за заштита и зачувување на биолошката разновидност.

Веруваме дека секој исчистен простор и секое ново знаење за екологијата се чекор поблиску до почиста и поздрава иднина за сите нас.

Одговорни наставници: Билјана Смилевска, Александра Стоевска, Андриана Митевска, Елизабета Коневска, Димка Б.Ѓорѓиевска.

„Генералка викенд“ и „Еко час“

OОУ ”Браќа Миладиновци”

Корисни линкови

Контактирајте нè