ОПШТИНСКО ОСНОВНО УЧИЛИШТЕ
БРАЌА МИЛАДИНОВЦИ
 
Ул. 8 бр 90а
1042 Миладиновци
 
телефон
+389 2 257 7709

Нашиот еТвининг проект

  • 25.2.2026
  • Сите активности, Е-твининг
Денес учениците од петто одделение од ПОУ Текија одржаа презентација пред своите соученици и вработените во училиштето, претставувајќи го eTwinning проектот во кој активно работат – Stage Without Borders – Our International Theater.
Преку својата презентација тие ја споделија идејата, активностите и искуствата од проектот, покажувајќи колку учењето може да биде креативно и поврзано со ученици од различни земји.
Ваквите ученички презентации имаат особено значење – тие ја истакнуваат ангажираноста, одговорноста и посветеноста на учениците, но истовремено служат и како инспирација и поттик за другите ученици и наставници да се вклучат во слични проекти и меѓународни соработки.
Кога учениците самите застануваат во улога на презентери, учењето добива уште поголема вредност: тие развиваат самодоверба, комуникациски вештини и чувство на гордост за сопствените постигнувања, а пораката што ја пренесуваат станува поавтентична и помотивирачка за нивните врсници.


Одговорен наставник - Емилија Стојановска

Галерија