ОПШТИНСКО ОСНОВНО УЧИЛИШТЕ
БРАЌА МИЛАДИНОВЦИ
 
Ул. 8 бр 90а
1042 Миладиновци
 
телефон
+389 2 257 7709

Донација од компанијата ОКТА

  • 03.1.2026
  • Сите активности, Настани
✨Хуман гест од „ОКТА“ за нашите ученици и подобри услови во училниците.✨
Денес нашето училиште беше исполнето со радост и благодарност благодарение на вредната донација од компанијата ОКТА. Како дел од својата посветеност на заедницата и поддршката на образовниот процес, претставници на компанијата го посетија нашето училиште и ги израдуваа нашите најмлади.
🎁Радост за најмалите
Со цел да им го разубават училишното секојдневие, беа поделени 110 пакетчиња наменети за учениците од прво до трето одделение. Насмевките на детските лица беа најдобра потврда за успешноста на оваа акција.
✨Инвестиција во подобри услови за учење
Покрај подароците за децата, донацијата вклучува и значително подобрување на училишниот инвентар. За потребите на нашите ученици и наставници, ОКТА донираше:
20 нови училишни клупи
40 нови столчиња
Оваа модерна опрема директно ќе придонесе за подобра и попријатна работна атмосфера во училниците, овозможувајќи им на учениците поквалитетен престој и учење.
„Голема благодарност до менаџментот и тимот на ОКТА за оваа значајна донација. Ваквите примери на општествена одговорност се патоказ за тоа како бизнис секторот може активно да помогне во градењето на подобра иднина за нашите деца.“
Директорот Дарко Петковски и вработените во нашето училиште упатуваат искрена благодарност до компанијата ОКТА за нивната несебична поддршка и грижа за најмладите.

Галерија