Шеќерното дете повторно оживеа!

27.10.2025

Сите активности, Активности

Денеска учениците од трето одделение во подрачното училиште во Текија на креативен и вкусен начин го креираа главниот лик од книгата „Шеќерна приказна“ од Славко Јаневски.

Со големо задоволство и ентузијазам, учениците ги донесоа потребните намирници, а со помош на одделенскиот наставник подготвија смеса, го обликуваа и декорираа своето „шеќерно дете“.

Преку оваа активност, тие се стекнаа со практични вештини – мерење, подготовка на смеса, месење и декорирање, но најважно од сè, научија колку е убаво знаењето да се спои со креативноста и заедничката соработка.

Учениците беа пресреќни и исполнети, а ваквиот начин на учење – преку игра, вкус и имагинација – секогаш останува најомилен дел од часовите.