Активност - Сложувалка

07.10.2025

Сите активности, Активности

Денеска, во рамки на Детската недела, учениците од петто одделение од подрачните и централното училиште, реализираа креативна и едукативна активност со наслов „Сложувалка“.

Петтоодделенците со многу љубов изработија сложувалка за своите помали другарчиња – првачињата, со логото и мотото на овогодинешната детска недела:

„Детето денес – иднината утре“

Малите ученици со возбуда ги бараа делчињата низ училницата и заедно ја составија сложувалката, запознавајќи се на забавен начин со значењето на мотото.

Оваа активност уште еднаш потврди колку е важна соработката и меѓусебната поддршка меѓу учениците – „најголемите од одделенска им помагаат на најмалите“, создавајќи атмосфера на заедништво, грижа и пријателство.